Aaqa Meriyan Akhiyan Madine Wich Reh Giyan
Written by S M Sadiq
Urdu
Complete Ash'aar & Transliteration
Matla to Maqtaآقا میریاں اکھیاں مدینے وچ رہ گئیاں
مک گیا ویزہ تے جدائیاں پھر پے گئیاں
تساں تے مینوں در تے سدیا، ویلے مینوں شہروں کڈھیا
تیرے در دیاں سوہنیاں یاداں، آقا میرا ساتھ نہ چھڈیا
نت دیاں سوچاں ہن، جند میری لے گئیاں
آقا میریاں اکھیاں مدینے وچ رہ گئیاں
آبِ زمزم پیندے رہیاں، دو دن سکھ نال جیندے رہیاں
تیرے گھر دی چوکھٹ دے اسیں، منگتے روز سدیندے رہیاں
منگیاں مراداں سی جو، جھولی میری پے گئیاں
آقا میریاں اکھیاں مدینے وچ رہ گئیاں
پھر میں ویکھاں روضہ تیرا، سونہہ رب دی دل کردا میرا
جے کدھرے منظوری ہووے، لالاں اوتھے پکا ڈیرا
لکّھاں مجبوریاں نے، راہواں وچ پے گئیاں
آقا میریاں اکھیاں مدینے وچ رہ گئیاں
آقا تیری شان نوں ویکھاں، جھکدے کل جہان نوں ویکھاں
جیہڑے تیرے کول نے ستے، عمر، صدیق، عثمان نوں ویکھاں
جنہاں تیرے قدماں وچ، تھاواں آقا لے لئیاں
آقا میریاں اکھیاں مدینے وچ رہ گئیاں
جد میں تکیا شہرِ مدینہ، روشن ہو گیا میرا سینہ
سو سالاں توں ودھ لگدا سی بھاویں سی اوہ اک مہینہ
صادق گنبدِ خضریٰ تک کے، تانداں مینوں پے گئیاں
آقا میریاں اکھیاں مدینے وچ رہ گئیاں
آقا میریاں اکھیاں مدینے وچ رہ گئیاں
مک گیا ویزہ تے جدائیاں پھر پے گئیاں