Agar Milta Na Is Dar Ka Sahara Ya Rasool Allah

اگر ملتا نہ اس در کا سہارا یا رسول اللہ ﷺ

تو ہر ذرّے کا مشکل تھا گزارا یا رسول اللہ ﷺ

کسی کے ہم نہ کوئی ہے ہمارا یا رسول اللہ ﷺ

یہ سب کچھ آپ ہی کا ہے نظارا یا رسول اللہ ﷺ

زمانہ اس کی خوش بختی پہ ہر دم رشک کرتا ہے

میسر جس کو ہے دامن تمہارا یا رسول اللہ ﷺ

جو وابستہ ہوا تم سے وہ گویا پا گیا سب کچھ

بہت کافی ہے نسبت کا سہارا یا رسول اللہ ﷺ

نگہباں آپ بن جائیں گے جس ٹوٹے سفینے کے

بنے ہر موج خود اس کا سہارا یا رسول اللہ ﷺ

خلا میں چاند دو ٹکڑے ہوا تھا جس اشارے سے

ہو باطل کی طرف بھی وہ اشارا یا رسول اللہ ﷺ

نہ جانے ملتجی ہے کب سے اذنِ باریابی کا

یہی بے ہوش یہ قسمت کا مارا یا رسول اللہ ﷺ