Allah Aur Rasool Ke Pyare Muaawiya

ہیں آسمانِ رشد کے تارے معاویہ

اللہ اور رسول کے پیارے معاویہ

تاجِ صحابیت نے بڑھائی ہے ان کی شان

سونپی حسن نے ان کو خلافت کی آن بان

ہوگا نہ کم کسی سے وقارِ معاویہ

اللہ اور رسول کے پیارے معاویہ

ہیں آسمانِ رشد کے تارے معاویہ

اللہ اور رسول کے پیارے معاویہ

‘اصحابی کالنجوم’ ہے اعلانِ مصطفیٰ

سب سے وفا کرو یہ ہے فرمانِ مصطفیٰ

ہے اس لیے ہمارے تمہارے معاویہ

اللہ اور رسول کے پیارے معاویہ

ہیں آسمانِ رشد کے تارے معاویہ

اللہ اور رسول کے پیارے معاویہ

بزمِ صحابیت کے وہ دونوں سراج ہیں

ان کے نشانِ پا سرِ مومن کے تاج ہیں

بیشک علی ہمارے، ہمارے معاویہ

اللہ اور رسول کے پیارے معاویہ

ہیں آسمانِ رشد کے تارے معاویہ

اللہ اور رسول کے پیارے معاویہ

آقا نے ان کو مہدی و ہادی کی دی دعا

تا حشر جگمگائے گا وہ جلوہِ ہدیٰ

ہے رہبری پہ اب بھی مینارِ معاویہ

اللہ اور رسول کے پیارے معاویہ

ہیں آسمانِ رشد کے تارے معاویہ

اللہ اور رسول کے پیارے معاویہ

ملت کو عظمتوں کی سحر بخش دیجیے

اے شاہ! اپنا فیضِ نظر بخش دیجیے

دامن فرید بھی ہے پسارے، معاویہ!

اللہ اور رسول کے پیارے معاویہ

ہیں آسمانِ رشد کے تارے معاویہ

اللہ اور رسول کے پیارے معاویہ