Allah Dikha Kabe Ki Jhalak

کعبہ دکھا دے مولا

کعبہ دکھا دے مولا

مشتاق نظر، پُر نم ہے پلک

اللہ! دکھا کعبے کی جھلک

کرتا ہوں نظر اشکوں کی چمک

اللہ! دکھا کعبے کی جھلک

کعبے کی تجلی دل پہ پڑے

سب میل میرے دل کے یوں دھلیں

دل نور سے تیرے جائے چمک

اللہ! دکھا کعبے کی جھلک

محور ہے جہاں بھر کا کعبہ

منظر بھی سہانا ہے اس کا

ہیں اس پہ فدا سب انس و ملک

اللہ! دکھا کعبے کی جھلک

میں حج بھی کروں، عمرہ بھی کروں

اللہ! مدینے میں ہی مروں

مولا! تو دکھا طیبہ کی سڑک

اللہ! دکھا کعبے کی جھلک

جب پہلی نظر کعبے پہ پڑے

دکھ درد سبھی دامن سے جھڑیں

اور دل سے مٹے عصیان کا تلک

اللہ! دکھا کعبے کی جھلک

مدت سے، کمال! اپنی ہے دعا

جب سامنے روضے کے ہوں کھڑا

دکھ جائے مجھے آقا کی جھلک

اللہ! دکھا کعبے کی جھلک