Ban Gaye But Parast Ham Surat E Yaar Dekh Kar

دیدِ جمالِ حق ہوئی حسنِ نگار دیکھ کر

بن گئے بت پرست ہم صورتِ یار دیکھ کر

کب تھا نصیب میں سکوں پہلے ہی حال تھا زبوں

بڑھ گئیں اور الجھنیں گیسوئے یار دیکھ کر

پہلے تو چپ کھڑے رہے سر کو جھکائے شرم سے

رو دیے پھر وہ پھوٹ پھوٹ میرا مزار دیکھ کر

ساقی بھی ہے، گھٹا بھی ہے، موسمِ جاں فزا بھی ہے

کافر ہے اب جو نہ پیئے ایسی بہار دیکھ کر

ایسا تھا حالِ بیکسی ان کو بھی رحم آ گیا

مجھ سے لپٹ گئے مِری حالتِ زار دیکھ کر

جانے کہاں کہاں قدم رکھے میرے حضور نے

سجدے کیے ہیں جا بجا ان کا دیار دیکھ کر

سوف سے جب نہ چل سکے ان کے نشاں کے ساتھ ساتھ

بن گئے ہم غبارِ راہ ناقۂ یار دیکھ کر

ساجد نظر جو آئے ہم کیا کیا چشمِ یار نے

تیرِ نظر چلا دیا اپنا شکار دیکھ کر

دیدِ جمالِ حق ہوئی حسنِ نگار دیکھ کر

بن گئے بت پرست ہم صورتِ یار دیکھ کر