Basi Hai Jab Se Woh Tasveer-E-Yaar Aankhon Me

بسی ہے جب سے وہ تصویرِ یار آنکھوں میں

سمٹ سی آئی ہے فصلِ بہار آنکھوں میں

زمینِ طیبہ کی مٹی بنے میرا سرمہ

رہے ہمیشہ نبی کا دیار آنکھوں میں

میری نگاہیں سرِ عرش جا کے ٹھہریں گی

ملوں جو نعلِ نبی بار بار آنکھوں میں

وہ لا مکاں میں مسافر بنے شبِ اسرا

خدا کے جلوے سمائے ہزار آنکھوں میں

اے حاجیو ذرا رکنا میں چوم لوں تمکو

تمہارے قدموں کا مل لوں غبار آنکھوں میں

تیرے قلم کو رضا کی رضا ملی نجمی

تبھی زباں میں اثر ہے نکھار آنکھوں میں