Daleel e Kibriya Bankar Huzur Aaye

دلیلِ کبریا بن کر حضور آئے حضور آئے

بہارِ جاں فضا بن کر حضور آئے حضور آئے

نہ گھبراؤ گناہگارو ملے گا چین بیمارو

غمِ دل کی دوا بن کر حضور آئے حضور آئے

خوشی کے پھول برساؤ سلامی کے لئے آؤں

ہمارا آسرا بن کر حضور آئے حضور آئے

ہے رحمت ہر طرف چھائی، گناہگاروں کی بن آئی

کرم بن کر وفا بن کر حضور آئے حضور آئے

ہے نغمہ آج رحمت کا، سجا کر تاج رحمت کا

نگارِ انبیاء بن کر حضور آئے حضور آئے

نبی آئے غلامی کو جھکے تارے سلامی کو

رسالت کی ضیاء بن کر حضور آئے حضور آئے

بچھا کے دل کے دامن کو پڑھیں گے نعت ہم صائم

کرم کی انتہا بن کر حضور آئے حضور آئے_