Dar-e-Aqdas Pe Haal-e-Dil Sunana Yaad Aata Hai

درِ اقدس پہ حالِ دل سنانا یاد آتا ہے

مدینہ یاد آتا ہے

مدینے میں جو گزرا وہ زمانہ یاد آتا ہے

مدینہ یاد آتا ہے

خدا کے نور کے جلوے جو دیکھے میں نے طیبہ میں

مجھے رہ رہ کے وہ منظر سہانا یاد آتا ہے

مدینہ یاد آتا ہے

ادب سے بیٹھ کر اس گنبدِ خضریٰ کے سائے میں

نبیؐ کی یاد میں آنسو بہانا یاد آتا ہے

مدینہ یاد آتا ہے

رسول اللہؐ کے دربار میں، ان کی محبت میں

وہ میرا روز و شب کا آنا جانا یاد آتا ہے

مدینہ یاد آتا ہے

اویسِ قرنیؓ بولے، ماں! اجازت دیجئے مجھ کو

جدائی میں تڑپتا ہوں، مدینہ یاد آتا ہے

مدینہ یاد آتا ہے

مزارِ فاطمہؑ پہ کربلا والوں کی یاد آئی

مدینے والے آقاؐ کا گھرانہ یاد آتا ہے

مدینہ یاد آتا ہے

نبیؐ کے ذکر کی محفل میں آتے ہی مجھے، محسنؔ!

مدینہ یاد آتا تھا، مدینہ یاد آتا ہے

مدینہ یاد آتا ہے