Gesuon Ko Chehre Par Aap Ne Bakhera Hai

شبِ غم کی سحر نہیں ہوتی

ہو بھی تو میرے گھر نہیں ہوتی

زندگی تو ہی مختصر ہو جا

شبِ غم مختصر نہیں ہوتی

لذتِ انتظار لیتا ہوں

یوں شبِ غم گزار لیتا ہوں

جب بھی ڈستی ہے مجھ کو تنہائی

نام تیرا پکار لیتا ہوں

کیا میری بات کا یقین نہیں

کوئی بھی آپ سا حسین نہیں

بے جھجک دل میں تم چلے آؤ

اس مکاں میں کوئی مکین نہیں

آپ آئیں غریب خانے میں

سچ تو یہ ہے مجھے یقین نہیں

آپ کے روئے یاسمیں کی قسم

چاند بھی اس قدر حسین نہیں

گیسوؤں کو چہرے پر آپ نے بکھرا ہے

بادلوں کے سائے میں چاند کا بسیرا ہے

کیا عجب جو ایسے میں توڑ دے کوئی توبہ

جام بھی لبالب ہے ابر بھی گھنیرا ہے

تو بچائے جا دامن میں نہ باز آؤں گا

میرا عشق میرا ہے تیرا حسن تیرا ہے

تیری زلف سے دل کو یوں لگاؤ ہے جیسے

تیری زلف ناگن ہے میرا دل سپیرا ہے

ان کی زلفِ برہم میں عارضوں کو کیا دیکھوں

چاند پاس ہے لیکن دور تک اندھیرا ہے

ان دنوں مزاج اے دوست اس طرح ہے حسرت کا

دل میں غم زمانے کا لب پہ نام تیرا ہے