Ghaus Paak Da Tu Mal Lai Dawaara
Written by Bari Nizami Ludhianvi
Urdu
Complete Ash'aar & Transliteration
Matla to Maqtaغوث پاک دا تو مل لے دوارا
تیرا وی بیڑا پار لگ جائے
ہاتھوں ویلا گیا آونا نہیں دوبارہ
تیرا وی بیڑا پار لگ جائے
سخی غوثِ اعظم دے در اتے بڑی بے پرواہی دیکھی اے
اوہدے در تے چور اچکیاں نوں ملدی الیائی دیکھی اے
میرا غوثِ اعظم ولیاں دا سلطان کہاوݨ والا
دنیا تے کونے کونے تے اسلام پھیلاوݨ والا
پگڑی دیاں چوراں نوں پھڑ کے ابدال بناوݨ والا
اللہ توں آپ مریداں دی تقدیر لکھاوݨ والا
میرا غوثِ اعظم بے پرواہ چوروں قطب بناوݨے جاندا اے
چوروں قطب بنانا اک پاسے مردے وی جیاوݨے جاندا اے
دساں شان کی غوثِ اعظم دا جہڑا ولیاں دا سردار ہووے
اوہدے نام تھیں مشکل حل ہوندی اوہدے نام تھیں بیڑا پار ہووے
غوث میرے دیاں گاݨے عاقل ہارے
اس دے فیض سمندر دے نہیں دیکھے کسے کنارے
پہنچے غوث امداد نوں اوتھے جتھے کوئی بلاوے
ڈبیاں بیڑیاں حافظ پل وچ یار مے والا تارے
میرا عبدالقادر قادر اے
کسے چیز دی تینوں تھوڑ نہیں
میرا دیاں گلیاں کافی نے
جنت دی تینوں لوڑ نہیں
چوروں قطب بنائے سرکار نے
غوثِ اعظم دے بوہے تے جو آیا
اوہنوں غوث ابدال او تاڑ کیتا
میرے غوث دی دشمنی جیہنے رکھی
اوہدا رب نے کھاݨا برباد کیتا
ملک حشر دے اوہنوں نہیں پھڑ سکدے
میرے غوث نے جس نوں آزاد کیتا
اوہدی حل ہوئی اوسے پل مشکل
جدوں شاہِ بغداد نوں یاد کیتا
مشکل وچ میں کیوں پریشاں ہوواں
مشکل تئیں وگار نہ جاندا ہاں
غوثِ اعظم دا اسمِ عظیم لے کے
وگڑے وقت سنوارنا جاندا ہاں
عبدالقادر دی قادری ضرب لاکے
ڈبے بیڑے ابھارنا جاندا ہاں
صدف غوث دے عشق دے موتی نوں
دلاں وچ کھلاردنا جاندا ہاں
آؤ دساں میں غوث کی کر سکدا
غوث لکھی تقدیر نوں موڑ سکدا
غوثِ اعظم دا ناں دا اک نعرہ
ہر فولادی زنجیر نوں توڑ سکدا
غوث ڈبے ہوئے بیڑے نوں تار سکدا
غوث ٹٹے مقدر نوں جوڑ سکدا
کشتی صدف جہڑی غوث چاڑھ دیوے
اوہنوں کوئی طوفان نہیں روڑھ سکدا
پیر کوئی وی ہووے پرواز اوہدی
آخر ہوندی پیراں دے پیر تک اے
نام غوث دے دل تے رہندا وکھرا
ہو جاوندا زندہ ضمیر تک اے
منکر بیڑے تراں نوں پئے سڑدے
میرے غوث دا ہتھ تقدیر تک اے
ہر فریادی دی صدف فریاد تئیں
جاندی پہنچدی میرے دستگیر تک اے
غوث پاک دا کرم خوشبو بن کے
ہر اک گل و گلزار تک پہنچ جاندا
چور تئیں قطبیت عطا ہوئی
جدوں اوہدے دربار تک پہنچ جاندا
قدم غوث دی عظمت دے اٹھدیاں تئیں
اولیاءِ اکبر تک پہنچ جاندا
روح غوث دا صدف ہی شبِ اسریٰ
عرش و کرسی تک باہر تک پہنچ جاندا
چوروں قطب بنائے سرکار نے
بیڑے ڈبدے ترائے سرکار نے
ایویں نکا جیہا ہویا سی اشارہ
تیرا وی بیڑا پار لگ جائے
من لیندا رب جد بھی کوئی واسطہ غوث دا پائے
ٹھوکر دے نال غوث میرے نے مردے نے جگائے
غوث پاک دے نام دا نعرہ بدل دیوے تقدیراں
حضرت باہو ورگے صائم کردے میرا میرا
پالے غوث جلی نال پیار
پالے غوث جلی نال پیار
دکھ ہوون گے دور کِمامی
بیڑا ہو جائے پار
لب تے غوث دا ناں جد آوے آپے ہی مشکل جاوے
پیڑ تینوں جد آوے کوئی غوث دا نعرہ مار
غوث قطب ابدال تمامی غوث نوں دیݨ سلامی
شاہاں دے سر جھک جاندے نے اس دے وچ دربار
غوث پاک دا تو مل لے دوارا
تیرا وی بیڑا پار لگ جائے
جے تو لبھݨا تے لبھ مجھ حیلے دا
رب ملدا اے کسے دے وسیلے نال
گلاں ساریاں دا کر لے نظارہ
تیرا وی بیڑا پار لگ جائے
غوثِ اعظم اے شاہیِ ابد تھوڑی
قصہ اے کوئی اج تے کل دا نہیں
جدوں تیک نہ غوث دی مہر لگے
سکہ کدے ولایت دا چلدا نہیں
ایسا کوئی وی ولی نہیں جگ اتے
جیہنوں غوث میرا فیض گھلدا نہیں
اوہنوں کتھے نے صائم پناہ ملݨی
میرا غوثِ اعظم جیہڑے ول دا نہیں
غوثِ اعظم ازین کریم ازلی
جیہڑے کرم دا حد و حساب کوئی نہیں
قبر حشر وچ غوث دے طالباں نوں
دیݨا پیا حساب کتاب کوئی نہیں
ایسا ولی اے جیہدی مثال کوئی نہیں
ایسا غوث اے جیہدا جواب کوئی نہیں
بڑا کھان ہاں غوث دا میں صائم
میرے پلے وچ ہور ثواب کوئی نہیں
میرے پیر دیاں گلاں ہیں سچیاں
ایویں جگ تے دہائیاں نہیوں مچیاں
اوہدے باجوں کوئی چلݨا نہیں چارہ
تیرا وی بیڑا پار لگ جائے
ایہ چلدا پیا نظام ہے جگ دا غوث دے نال اشارے
دن نوں سورج پوچھ کے چڑھدا رات ویلے چن تارے
غوث میرے نے زندہ کیتے عزرائیل دے مارے
رب بخشے اختیار حافظ غوث میرا نوں سارے
مولا علی دا تے فاطمہ دا لال اے
غوث میرے دیاں اچیاں شاناں عرفہ اعلیٰ والا
غوث میرے دا داتا حیدر نانا کملی والا
نعرہ غوث جلی دا صائم توڑے قطب دا تالا
غوث قطب سب جپدے رہندے غوث دے نام دی مالا
مولا علی دا تے فاطمہ دا لال اے
‘باری’ اللہ ولوں رتبہ کمال اے
اساں قادری ملنگاں دا سہارا
تیرا وی بیڑا پار لگ جائے