Ja Mud Ja Haje Vi Ghar Mud Ja Ni Ishq Ch Ki Rakheya

جا مڑ جا ہجے وی گھر مڑ جا نی عشق چ کی رکھیا

عشق دے محکمے گیا میں اک دن

اگے عشق نے میری وڈیائی ٹھگ لئی

میں تے گیا ساں عشق توں داد لینے

اگوں عشق نے میری دنائی ٹھگ لئی

ایس عشق نے وڈے وڈے ٹھگ لئے

کارو بادشاہ دی بادشاہی ٹھگ لئی

تیں کی ٹھگیا دنیا دارا

ایس عشق نے خدا دی خدائی ٹھگ لئی

اگ تے عشق دا سیک کی پچھنا عشق دا سیک ودھیرا

اگ تے ساڑے ککھ تے کانے عشق ساڑے دل میرا

اگ دا دارو مینہہ تے پانی عشق دا دارو کیہڑا

یار فرید اوتھے ککھ نہ رہندا جتھے عشق نے کیتا ڈیرا

یاری عشق دے نال نہ لا بیٹھیں ایہہ یار بنا کے لٹ لیندا

ایہہ عشق اولڑا ڈاکو ایہہ بس نین ملا کے لٹ لیندا اے

جا مڑ جا ہجے وی گھر مڑ جا

نی عشق چ کی رکھیا

ایہہ جو جوبن نہیں لبھنا لکھیں

ویلا گیا نہ آوندا ہتھیں

عشق تتے نوں دور ہی رکھیں

رل نہ جاویں کدھرے ککھیں

پل وچ نیتیاں لہیان اکھیں

ہیر دے وانگر زہر نہ چکھیں

پیر اگاں ول دھرنا پئے گا

کچے گھڑے تے ترنا پئے گا

درد وی مٹھا زرنا پئے گا

اپنے آپ توں ڈرنا پئے گا

بازی جت کے ہارنا پئے گا

سوہنی وانگوں ترنا پئے گا

عشق بڑا مہنگا پیندا ایہہ خیال رکھ لیں

عشق دیاں نے حضور وڈیاں منزلاں نے دور

ایہنے ڈبے لکھاں پور ایہہ نہیں ویکھدا قصور

پھڑ کے کھل کھچ لیندا ایہہ خیال رکھ لیں

عشق دیاں نے حضور وڈیاں منزلاں نے دور

ایہنے ڈبے لکھاں پور ایہہ نہیں ویکھدا قصور

عشق موتی انمول دیندا دھکیاں چ رول

بیتھی بول نہ بول دیوے اڈیاں چ کول

جے تیں عشق گل پاؤنا ساہن سکھ دا نہیں آؤنا

پینا کنڈیاں تے سؤنا رونا عمراں نوں رونا

ایہتے سر دینا پیندا ایہہ خیال رکھ لیں

جا مڑ جا ہجے وی گھر مڑ جا نی عشق چ کی رکھیا

سسی وانگر تپدی رہیں گی پنو پنو جپدی رہیں گی

اگ عشق دی نپدی رہیں گی مارو تھل وچ تھپدی رہیں گی

ہور جے تردی سپ دی رہیں گی وچ کتاباں چھپدی رہیں گی

جا مڑ جا ہجے وی گھر مڑ جا نی عشق چ کی رکھیا

عشق دے نال نال نہ آڈا لاویں

دل اٹھڑے نوں بہہ سمجھاویں

’باری‘ دے وانگر نہ پچھتاویں

بیلاں دے وچ میل نہ پاویں

وچ جناواں غوطے کھاویں

مارو تھل وچ سڑ نہ جاویں

پہلے سوچ لے ایہہ عشق لکویا وی نہیں جانا

دلوں جانوں قربان تیتھوں ہویا وی نہیں جانا

پھر بھجنا تے کی اے کھلویا وی نہیں جانا

جا مڑ جا ہجے وی گھر مڑ جا نی عشق چ کی رکھیا