Khwaja E Khwajgan Tumpe Lakhon Salam
Written by Saqib
Urdu
Complete Ash'aar & Transliteration
Matla to Maqtaخواجہٴ خواجگاں تم پہ لاکھوں سلام
فخرِ ہندوستاں تم پہ لاکھوں سلام
خواجہٴ دو جہاں میرِ کون و مکاں
عرش کے رازداں فرش کے پاسباں
قبلہٴ عاشقا کعبہٴ عارِفا
آسمانِ ولایت کے ماہِ تمام
خواجہٴ خواجگاں تم پہ لاکھوں سلام
فخرِ ہندوستاں تم پہ لاکھوں سلام
اے عطاۓ شہنشاہِ جن و بشر
پنجتن پاک کے گھر کے نورِ نظر
شاہِ غوث الورٰی کے ہو لختِ جگر
خلق کے تاجور اولیاء کے امام
خواجہٴ خواجگاں تم پہ لاکھوں سلام
فخرِ ہندوستاں تم پہ لاکھوں سلام
چاندنی رات ہو اور پچھلا پہر
ہر طرف ہو بچھا فرشِ قلب و جگر
ایسے عالم میں تم کاش آؤ نظر
پھر کہے دست بستہ تمہارے غلام
خواجہٴ خواجگاں تم پہ لاکھوں سلام
فخرِ ہندوستاں تم پہ لاکھوں سلام
دل ہے بے چین نقشِ قدم کے لیے
مرہمِ سوزشِ دم بہ دم کے لیے
ہیں کھڑے اک نگاہِ کرم کے لیے
اے فلک آستاں اے شہِ نیک نام
خواجہٴ خواجگاں تم پہ لاکھوں سلام
فخرِ ہندوستاں تم پہ لاکھوں سلام
ٹھوکریں دشتِ غربت کی کھاۓ ہوۓ
گردشِ غم کے ہاتھوں ستاۓ ہوۓ
آۓ ہیں آس تم سے لگاۓ ہوۓ
تم جو چاہو تو بن جاۓ سب اپنے کام
خواجہٴ خواجگاں تم پہ لاکھوں سلام
فخرِ ہندوستاں تم پہ لاکھوں سلام
میرا اونچا ہمیشہ ستارہ رہے
زندگی بھر تمہارا سہارا رہے
دیدہٴ شوق محوِ نظارہ رہے
اور اس وقت آۓ اجل کا پیام
خواجہٴ خواجگاں تم پہ لاکھوں سلام
فخرِ ہندوستاں تم پہ لاکھوں سلام
——————- ادر ——————-
—————— ورشن ——————
خواجہٴ خواجگاں تم پہ لاکھوں سلام
فخرِ ہندوستاں تم پہ لاکھوں سلام
آفتابِ رسالت کے ہو ایک کرن
نازشِ عارفاں تم پہ لاکھوں سلام
تم نے پھیلائی اسلام کی روشنی
دین کے پاسباں تم پہ لاکھوں سلام
رونقِ روضہٴ پاک ہے دلنشیں
مثلِ قصرِ جناں تم پہ لاکھوں سلام
آپ کے در سے پاتے ہیں شاہ و گدا
فیضِ ہر دو جہاں تم پہ لاکھوں سلام
ہم کو اذنِ حضوری عطا کر دیا
کتنے ہو مہرباں تم پہ لاکھوں سلام
ہم غریبوں کے سرکار خواجہ پیا
حامیِ بیکساں تم پہ لاکھوں سلام
ناز ہم کو غلامی کی نسبت پہ ہے
خسروِ انس و جاں تم پہ لاکھوں سلام
ہم غلامِ غلامانِ سرکار ہیں
تم ہمارے ہم تمہارے تم پہ لاکھوں سلام
آپ کے در سے دولت مل گئی ہے ہمیں
بات ہے بے گماں تم پہ لاکھوں سلام
بھیک ثاقب کو چشمِ کرم کی ملے
محسنِ قلب و جاں تم پہ لاکھوں سلام_