Kuch Aisa Kar De Mere Kirdigaar Aankhoñ Me

کچھ ایسا کر دے میرے کردگار آنکھوں میں

کہ جلوہ گر رہے وہ گل عذار آنکھوں میں

وہ لالہ رخ ہو اگر جلوہ بار آنکھوں میں

بہارِ لالہ ہو پھر پائیدار آنکھوں میں

نظر یہ کہتی ہے بے اختیار آنکھوں میں

انہیں جو دیکھے وہی ہے ہزار آنکھوں میں

انہیں نہ دیکھا تو کس کام کی ہے یہ آنکھیں

کہ دیکھنے کی ہے ساری بہار آنکھوں میں

ابھی ہو رو کشِ عرشِ بریں نظر میں

جو آے عرش نشیں تاجدار آنکھوں میں

نظر ہے رشکِ نظر، افتخار آنکھوں میں

جسے کرے وہ نظر اختیار آنکھوں میں

کرم سے جلوہ کریں جب نگار آنکھوں میں

کھنچ آئے ساری چمن کی بہار آنکھوں میں

بنائیں دل کو وہ گھر رہگزار آنکھوں میں

نظر ہو قدموں پہ ان کے نثار آنکھوں میں

کھنچ آئے جان پے انتظار آنکھوں میں

کرم سے لیجئے اب تو قرار آنکھوں میں

بسے ہیں جب سے مدینے کے خار آنکھوں میں

ہوا ہے صحنِ چمن خار زار آنکھوں میں

گذر ہو ان کا کبھی بے قرار آنکھوں میں

گوہر ہو نذرِ قدم اشک بار آنکھوں میں

پھر آئے دن میرے اختر شبِ حضوری میں

کرم سے جلوہ کرے جب نگار آنکھوں میں

نگاہِ مفتیِ اعظم کی ہے یہ جلوہ گری

چمک رہا ہے جو اختر ہزار آنکھوں میں