Madina Sohna Eh Jithe Sohne Ne Derre Laye

مدینہ سوہنا اے جتھے سوہنے نے ڈیرے لائے

صدقے میں اوناں توں جیہڑے ویکھ مدینہ آئے

مدینہ سوہنا اے، ان شاء اللہ اوتھے جانا

سنہری جالیاں نوں اساں چم چم سینے لانا

مدینہ سوہنا اے، کی اوہدی صفت سناواں

سوہنا سد لوے جے میں لکھ لکھ شکر مناواں

مدینہ سوہنا اے، پئی رحمت ٹھاہ ٹھاہ مارے

گنبدِ خضراء دے چلو ویکھیے پاک نظارے

مدینہ سوہنا اے، پئیاں سارے جگ تے دھماں

نوری نوری روضے دی میں ہر اک چیز نوں چماں

مدینہ سوہنا اے، اوتھے چمکدا نورِ الٰہی

رحمتاں انتخاب والا اے میرا سوہنا عربی ماہی

مدینہ سوہنا اے، حوراں عرش توں ویکھن آئیاں

کملی والے دیاں رب شاناں آپ ودھائیاں

مدینہ سوہنا اے، میں آکھاں لکھ لکھ واری

اوتھے مر جاواں جتھے وسدے حبیبِ باری

مدینہ سوہنا اے، سب آکھیا نبیاں ولیاں

چم لواں تھاواں اوہ جتھے لائیاں نبیؐ نے تلیاں

مدینہ سوہنا اے، جتھے رحمت رب دی برسے

مدینہ ویکھن نوں پئی ساری دنیاں ترسے!

مدینہ سوہنا اے، اساں ویکھن باجھ نہیں جینا

اتھرو نہیں رکدے جدوں آوندا یاد مدینہ

مدینہ سوہنا اے، سوہنا اے مدینے والا

کالیاں زلفاں نے نالے کملی دا رنگ اے کالا

مدینہ سوہنا اے، دھماں گلشن جگ تے پئیاں

قافلے ٹر گئے نے میں سوہنیا تکدی رہیاں