Manqabat Hazrat Sayyid Saalaar Mas’ood

حضرتِ مسعودِ غازی اخترِ برجِ ہدیٰ

بکسوں کا ہم نوا وہ سالکوں کا اقتدا

ساقیِ صہبہء الفت رازداںء معرفت

بادشاہ ایسا وہ جس کی اک دنیا ہے گدا

آسمانِ نور کا ایسا درخشندہ قمر

جس کی تابش سے منور سارا عالم ہو گیا

نائبِ شاہِ شہیداں وہ محافظ نور کا

جس نے سینچا ہے لہو سے گلشنِ دینِ خدا

استقامت کا وہ کوہِ محکم و بالا تریں

جس کے آگے کوہِ آفات و مصائب جھک گیا

سادگی میں بھی ہے وہ سردارِ خوباں دیکھیے

کیا مقدّس ذات ہے جس کی نرالی ہر ادا

نوشۂ بزمِ جناں وہ بندۂ ربِ جہاں

حور و غلماں جس کی خدمت پر مقرر ہیں سدا

تیرے نورِ فیض سے خیرات دنیا کو ملی

ہم کو بھی حدِ معظم کا ملے صدقہ شہا

یا الٰہی تیرے بندے کے درِ پرنور پر

گردشِ ایام کا میں تجھ سے کرتا ہوں گلہ

یا الٰہی بے نیازِ دہر تو کر دے مجھے

دور کر دے میرے دل سے الفتِ ہر ماسوا

اللہ اللہ یہ نصیبِ اخترِ شیریں سخں

فیضِ مولیٰ سے ہے وہ سالار کا مدحت سرا