Mar Ke Jeene Ka Paa-o Maza Khayr Se

مر کے جینے کا پاؤ مزا خیر سے

راہِ طیبہ میں آئے قضا خیر سے

کیجئے میرے حق میں دعا خیر سے

خاکِ طیبہ ہو میری جاں خیر سے

مجھ کو ان کا اشارہ ملا خیر سے

میں مدینے کی جانب چلا خیر سے

خوب گزریں گے صبح و مسا خیر سے

ان کے در پہ جو بستر جما خیر سے

عام ہے ان کا جود و سخا خیر سے

ان کے در پہ ہیں شاہ و گدا خیر سے

وہ اٹھی موجِ بحرِ عطا خیر سے

یا وہ دستِ کرم اٹھ گیا خیر سے

شام سے ہم کو طیبہ میں نیند آگئی

زندگی کا سویرا ہوا خیر سے

خاکِ طیبہ کو پا کر ہوں میں شادماں

میرا اختر درخشاں ہوا خیر سے