Me Bahaar e Be Khizaañ

ہمارے باغِ ارماں میں بہارِ بے خزاں آئے

کبھی جو اس طرف خنداں وہ جانِ گلستاں آئے

وہ جانِ یوسف آ جائے اگر میرے تصور میں

خدا رکھے وہیں کھنچ کر بہارِ دو جہاں آئے

کوئی دیکھے میری آنکھوں سے یہ اعزاز آقا کا

سلامی کو درِ حضرت پہ شاہِ قدسیاں آئے

جمالِ روئے جاناں دیکھ لوں کچھ ایسا سساماں ہو

کبھی تو بزمِ دل میں، یا خدا! آرامِ جاں آئے

الٰہی! اپنی ستّاری کا تجھ کو واسطہ، سن لے

سرِ محشر نہ بندے کا گناہ کوئی عیاں آئے

کرم سے اس کمینے کی بھی مولا لاج رکھ لینا

تیرا اختر تیرے سائے میں شاہِ دو جہاں آئے