Na Daulat Ke Na Shohrat Ke Na Rif’at Ke Bhikhari Hain

نہ دولت کے نہ رفعت کے نہ شہرت کے بھکاری ہیں

ترے محبوب کی مولیٰ محبت کے بھکاری ہیں

امیرِ حسنِ خوباں دید کی خیرات مل جائے

سراپا بن کے کاسہ ہم زیارت کے بھکاری ہیں

جو دنیا میں بہت نازاں تھے اپنی پارسائی پر

وہ محشر میں شہِ دیں کی شفاعت کے بھکاری ہیں

محی الدین نے جس پر نگاہیں معرفت ڈالی

مشائخ ان کی چوکھٹ پر ریاضت کے بھکاری ہیں

تڑپتے ہیں ترے عاشق ترے در کی رسائی کو

مگر شاہِ مدینہ! سب اجازت کے بھکاری ہیں

ترا فیاض ڈوبا ہے گناہوں کی نجاست میں

طفیلِ فاطمہ زہرا طہارت کے بھکاری ہیں