Pee Le Jo Sharab-e Ishq-e Nabi

شرابِ عشقِ محمد پیامِ رحمت ہے

کہ اس شراب میں عشقِ خدا کی لذت ہے

نظر کے سامنے ساقی کا ہے رخِ پرنور

اٹھاؤ جام یہ موقع بہت غنیمت ہے

پی لے جو شرابِ عشقِ نبی مرتا ہو تو جینا آجائے

اے بادہ کشوں مانگو یہ دعا پینے کا قرینہ آجائے

دعویٰ ہے محبت کا جو تجھے یہ شرطِ وفا بھی یاد رہے

ہر ذرّے پہ قرباں ہو جانا جس وقت مدینہ آجائے

دیکھیں جو رخِ پرنورِ نبی پڑ جائے نظر رخساروں پر

چڑھتا ہوا سورج ڈھل جائے پھولوں کو پسینہ آجائے

پایا ہے جو میں نے عشقِ نبی یہ میری خوشی کا عالم ہے

محتاج کے ہاتھوں میں جیسے انمول نگینہ آجائے

شارق تجھ پر ہر وقت رہے دامانِ محمد کا سایہ

اللہ کرے حصے میں تیرے رحمت کا خزینہ آجائے