Back to Collection
Qadam Hai Bilal Aaj Chalne Se Aari
Written by Unknown
Urdu
Complete Ash'aar & Transliteration
Matla to Maqtaقدم ہیں بلال آج چلنے سے عاری
لو اب الوداع الوداع ہے ہماری
یہ لو میرا قرآن یہ لو میری سنت
یہ دکھلائے گی تم کو اب راہِ جنت
پڑے جو مصیبت صبر تم اٹھانا
مگر دل کسی کا نہ ہرگز دکھانا
یہی یاد رکھنا نصیحت ہماری
لو اب الوداع الوداع ہے ہماری
اگر وہاں نہ ہوں تو کوثر پر ملوں گا
میں امت کو پیاسی جانے نہ دوں گا
بجھاؤں گا میں تشنہ لبی کو تمہاری
لو الوداع الوداع ہے ہماری
اگر وہاں نہ ہوں تو میزان پر ملوں گا
میں بدیوں کے پلڑے کو جھکنے نہ دوں گا
جھکاؤں گا پلڑا نیکی کا تمہاری
لو اب الوداع الوداع ہے ہماری
تمہیں پل صراط پہ خود آکر ملوں گا
میں امت کو اس پل گرنے نہ دوں گا
کروں گا وہاں نگہداری تمہاری
لو اب الوداع الوداع ہے ہماری
اگر وہاں نہ ہوں تو عرش پر ملوں گا
میں رو رو کے حق سے دعا یہ کروں گا
کروں گا وہاں آہ و زاری تمہاری
لو اب الوداع الوداع ہے ہماری