Rasool E Anwar Salaam Lelo Khuda Ke Dilbar Salaam Lelo

رسولِ انور سلام لے لو خدا کے دلبر سلام لے لو

تمہارے در کے غلام آقا کھڑے ہیں در پر سلام لے لو

تمہاری عظمت بیاں ہو کس سے تمہاری مدحت بیاں ہو کس سے

خدا ہی جانے تمہاری شوکت دو جگ کے سرور سلام لے لو

یہ سبز گنبد سنہری جالی یہاں کے دونوں جہاں سوالی

جھکائے رکھتے ہیں سر کو اپنے سبھی پیمبر سلام لے لو

بچھائے آنکھوں کو ہم کھڑے ہیں تمہارے ٹکڑوں پہ جو پلے ہیں

بس ایک نگاہِ کرم ہو آقا شفیعِ محشر سلام لے لو

تمہاری الفت ہے عینِ ایماں تمہی پہ نازل ہوا ہے قرآن

خدا کی قدرت کا میرے آقا تمہی ہو ظاہر سلام لے لو

تمہاری مرضی تمہارا منشا یہی تو ایماں ہے متقی کا

یہ دل فدا ہے یہ جاں صدقے تمہارے اوپر سلام لے لو