Sadqe Jaa-uñ Me Anees e Shab e Tanha-ee Ke

مری خلوت میں مزے انجمن آراے کے

صدقے جاؤں میں انیسِ شبِ تنہائی کے

ان کے صدقے میں ملا مول انوکھا مجھ کو

ہو گئے دونوں جہاں آپ کے شیدائی کے

سر ہے سجدے میں خیالِ رخِ جاناں دل میں

ہم کو آتے ہیں مزے ناصیہ فرسائی کے

سجدہ بے الفتِ سرکار عبث اے نجدی

مہرِ لعنت ہیں یہ سب داغ جبیں سائی کے

دشتِ طیبہ میں گما دے مجھے اے جوشِ جنوں

خوب لینے دے مزے بادیہ پیمائی کے

وہ رگِ جاں دو عالم ہیں برّے بھائی نہیں

ہیں یہ سب پھندے برے تیرے، برّے بھائی کے

میں تو ہوں بلبلِ بستانِ مدینہ اختر

حوصلے مجھ کو نہیں قافیہ آرائی کے