Safar Hamara Bhi Sarkar Ho Madine Ka

سفر ہمارا بھی سرکار ہو مدینے کا

یہ التجا ہے کہ دیدار ہو مدینے کا

یہ آرزو ہے مدینے کی اب زیارت ہو

حضور! سارے غلاموں پہ یہ عنایت ہو

مدینہ دیکھیں گے ہم بھی مدینہ دیکھیں گے

خدارا آقا! غلاموں پہ ایسی رحمت ہو

نظر کے سامنے گلزار ہو مدینے کا

سفر ہمارا بھی سرکار ہو مدینے کا

سفر ہمارا بھی سرکار ہو مدینے کا

یہ التجا ہے کہ دیدار ہو مدینے کا

تمہارے روضے پہ جس وقت حاضری ہوگی

یقین ہے کہ بہت پیاری وہ گھڑی ہوگی

زباں پہ ورد رہے گا درود کا اس دم

نگاہ گنبدِ خضریٰ کو چومتی ہوگی

یا سیدی! ہمیں دیدار ہو مدینے کا

سفر ہمارا بھی سرکار ہو مدینے کا

سفر ہمارا بھی سرکار ہو مدینے کا

یہ التجا ہے کہ دیدار ہو مدینے کا

جو رنگ و نور سے روشن مدینہ سارا ہے

خدا نے آقا! تمہارے لیے سنوارا ہے

ہم اس لیے تو مدینے کو یاد کرتے ہیں

سنا ہے ہم نے مدینہ بہت ہی پیارا ہے

بلاوا اب میرے سرکار ہو مدینے کا

سفر ہمارا بھی سرکار ہو مدینے کا

سفر ہمارا بھی سرکار ہو مدینے کا

یہ التجا ہے کہ دیدار ہو مدینے کا