Takhaiyul Unki Janib Chal Pada Ik Iltija Lekar

تخیل اُن کی جانب چل پڑا اک التجا لے کر

درِ مشہد پہ سجدہ ریز ہونے کی دعا لے کر

تخیل اُن کی جانب چل پڑا اک التجا لے کر

جو سنگِ در میسر ہو جبیں کو عرش مل جائے

چلوں گا پھر غلامی کا وہاں سے مرتبہ لے کر

تخیل اُن کی جانب چل پڑا اک التجا لے کر

بھنور کیا اب مجھے بحرِ تلاطم کی نہیں پرواہ

سفینے میں خدا کے چل رہا ہوں نا خدا لے کر

تخیل اُن کی جانب چل پڑا اک التجا لے کر

قدم بوسی کی پہلے آ کے مشہد میں قلندر نے

اور اس کے بعد سندھ آئے ہیں سرور کی اذان لے کر

تخیل اُن کی جانب چل پڑا اک التجا لے کر

یہ اپنے ساتھ ڈوبیں گے نبی کے امتی لے کر

سقیفے سے جو ابھرے ہیں خود اپنا رہنما لے کر

تخیل اُن کی جانب چل پڑا اک التجا لے کر

نصاریٰ کے مقابل شرط تھی سچوں کے جانے کی

نبی یوں چل پڑے ہیں ساتھ اپنے اقربا لے کر

تخیل اُن کی جانب چل پڑا اک التجا لے کر

وباؤں سے نہ گھبراؤ مریضوں کو بھی لے آؤ

رضا ہیں منتظر دیکھو یہاں بابِ شفا لے کر

تخیل اُن کی جانب چل پڑا اک التجا لے کر

اجالے بانٹتا ہے اپنے عالم میں خدائی کو

ہر اک سورج غریبِ طوس سے اپنی ضیا لے کر

تخیل اُن کی جانب چل پڑا اک التجا لے کر

بدن سے روح نکلے گی قضا پھر بھی نہ آئے گی

میں کن سے آ گیا ہوں ایسی جینے کی دعا لے کر

تخیل اُن کی جانب چل پڑا اک التجا لے کر

تخیل اُن کی جانب چل پڑا اک التجا لے کر