Un Ke Dar Ki Bheek Ach’chi Sarwari Ach’chi Nahiñ

بل ہوس سن سیم و زر کی بندگی اچھی نہیں

ان کے در کی بھیک اچھی سروری اچھی نہیں

سروری کیا چیز ہے ان کی گدائی کے حضور

ان کے در کی بھیک اچھی سروری اچھی نہیں

ان کی چوکھٹ چوم کر خود کہہ رہی ہے سروری

ان کے در کی بھیک اچھی سروری اچھی نہیں

سروری خود ہی بھکارن بندگانِ شاہ کی

ان کے در کی بھیک اچھی سروری اچھی نہیں

سروری پا کر بھی کہتے ہیں گدایانِ حضور

ان کے در کی بھیک اچھی سروری اچھی نہیں

تاج خود را کاسہ کردہ گوید ایں جا تاج ور

ان کے در کی بھیک اچھی سروری اچھی نہیں

تاج کو کاسہ بنا کر تاجِور کہتے ہیں یوں

ان کے در کی بھیک اچھی سروری اچھی نہیں

مفتی اعظم یکے از مردمان مصطفیٰ

اس رضاِ مصطفیٰ سے دشمنی اچھی نہیں

حجت الاسلام اے حامد رضا باباِ من

تم کو بن دیکھے ہماری زندگی اچھی نہیں

خاک طیبہ کی طلب میں خاک ہو یہ زندگی

خاک طیبہ اچھی اپنی زندگی اچھی نہیں

آرزومندان گل کانٹوں سے بچتے ہیں کہیں

خار طیبہ سے تیری پہلو تہی اچھی نہیں

دشت طیبہ کے فدائی سے جناں کا تذکرہ

جو رلا دے خون ایسی دل لگی اچھی نہیں

دشتِ طیبہ چھوڑ کر میں سیرِ جنت کو چلوں

رہنے دیجے شیخ جی دیوانگی اچھی نہیں

جو جنونِ خلد میں کوّوں کو دے بیٹھے دھرم

ایسے اندھے شیخ جی کی پیروی اچھی نہیں

عقل چوپایوں کو دے بیٹھے حکیمِ تھانوی

میں نہ کہتا تھا کہ صحبت دیو کی اچھی نہیں

یادِ جاناں میں معاذ اللہ ہستی کی خبر

یادِ جاناں میں کسی سے آگہی اچھی نہیں

شامِ ہجراں میں ہمیں ہے جستجو اس مہر کی

چودہویں کے چاند تیری چاندنی اچھی نہیں

طوقِ تہذیبِ فرنگی توڑ ڈالو مومنو!

تیرگی انجام ہے، یہ روشنی اچھی نہیں

شاؔخِ گُل پر ہی بنائیں گے عناڈِل آشیآں

برق سے کہہ دو کہ ہم سے ضد تیری اچھی نہیں

جو پیا کو بھائے اخترؔ وہ سہانا راگ ہے

جس سے نہ خوش ہوں پیا وہ راگنی اچھی نہیں