Ya Rab Soo-E-Madina Mastaana Ban Ke Jaaun
Written by Behzad Lakhnavi
Urdu
Complete Ash'aar & Transliteration
Matla to Maqtaیا رب سوئے مدینہ مستانہ بن کے جاؤں
اس شمعِ دو جہاں کا پروانہ بن کے جاؤں
یا رب سوئے مدینہ مستانہ بن کے جاؤں
یا رب سوئے مدینہ مستانہ بن کے جاؤں
ان کے سوا کسی کی دل میں نہ آرزو ہو
دنیا کی ہر طلب سے بیگانہ بن کے جاؤں
اس شمعِ دو جہاں کا پروانہ بن کے جاؤں
یا رب سوئے مدینہ مستانہ بن کے جاؤں
ہر گام ایک سجدہ ہر گام یا حبیبی
اس شان اس ادا کا مستانہ بن کے جاؤں
اس شمعِ دو جہاں کا پروانہ بن کے جاؤں
یا رب سوئے مدینہ مستانہ بن کے جاؤں
پہنچوں مدینہ کاش میں اس بے خودی کے ساتھ
روتا پھروں گلی گلی دیوانگی کے ساتھ
جوں ہی نگاہ گنبدِ خضریٰ کو چوم لے
قربان میری جان ہو وارفتگی کے ساتھ
مجھ کو بقیعِ پاک میں دو گز زمین ملے
یا رب دعا ہے تجھ سے میری عاجزی کے ساتھ
اس شمعِ دو جہاں کا پروانہ بن کے جاؤں
یا رب سوئے مدینہ مستانہ بن کے جاؤں
بہزاد اپنا عالم سمجھے گا کیا زمانہ
ہے فہم کا تقاضا دیوانہ بن کے جاؤں
اس شمعِ دو جہاں کا پروانہ بن کے جاؤں
یا رب سوئے مدینہ مستانہ بن کے جاؤں