Ya Rasoolallah Karam Ya Habiballah Karam

یا رسول اللہ کرم یا حبیب اللہ کرم

یہی آرزو جو ہو سرخرو

ملے دوجہاں کی آبرو

میں کہوں غلام ہوں آپ کا

وہ کہے کہ ہم کو قبول ہے

یا رسول اللہ کرم یا حبیب اللہ کرم

کبھی خواجہ میں تیری دید ہو

تیری دید ہو میری عید ہو

مجھے اپنے عشق کی بھیک دے

تیرے در پہ دامن پھیلا دیا

یا رسول اللہ کرم یا حبیب اللہ کرم

وہ خدا نہیں با خدا نہیں

وہ مگر خدا سے جدا نہیں

وہ ہیں کیا مگر وہ ہے کیا نہیں

یہ محب حبیب کی بات ہے

یا رسول اللہ کرم یا حبیب اللہ کرم

جسے چاہا در پہ بلا لیا

جسے چاہا اپنا بنا لیا

یہ بڑے کرم کے ہیں فیصلے

یہ بڑے نصیب کی بات ہے

یا رسول اللہ کرم یا حبیب اللہ کرم

نہ کسی کے اشک پہ طنز کر

نہ کسی کے غم کا مذاق اڑا

جسے چاہے جیسے نواز دے

یہ مزاجِ عشقِ رسول ہے

یا رسول اللہ کرم یا حبیب اللہ کرم

تجھے ناز حور و قصور پر

مجھے نازِ ذکرِ رسول پر

تیری خلد کیسی ہے تو بتا

میری خلد کوئے رسول ہے

یا رسول اللہ کرم یا حبیب اللہ کرم

’شاکر‘ پہ ہر دم ہو کرم

’رِضوا‘ پہ ہر دم ہو کرم

انہیں اپنے عشق کی بھیک دے

تیرے دین کے ہیں یہ پاسباں