Ya Rasool’Allah Ya Khayr Al Anaam

یا رسول اللہ یا خیر الانام

دور افتادہ کا لیجیے سلام

زیب و زینِ عرشِ رحمان السلام

نکہت و طیبِ گلستاں السلام

اے قرارِ بے قراراں السلام

چارہ سازِ دل فگاراں السلام

اے شہنشاہِ مدینہ السلام

اے قرارِ قلب و سینہ السلام

جانِ جاں و جانِ ایماں السلام

اے شفیعِ اہلِ عصیاں السلام

مہبطِ وحی و سکینہ السلام

غیب دان و غیب بین السلام

یا رسول اللہ مدینہ کی فضاؤں کو سلام

یا رسول اللہ طیبہ کی ہواؤں کو سلام

اے خدا کو دیکھنے والے نبی

کون سی شے تجھ سے عالم میں چھپی

کیجئے اپنے کرم سے صورتِ عیشِ دوام

یا رسول اللہ عطا ہو خلدِ طیبہ میں مقام

بے ٹھکانوں کو ٹھکانہ دیجیے

بسترِ خاکِ مدینہ دیجیے

تو تو واقف ہے میرے احوال سے

کیا غرض پھر مجھ کو عرضِ حال سے

کام بندوں کا ہے عرضِ مدّعا

یوں لبوں پر مقصدِ دل آ گیا

دفع طیبہ سے ہو یہ نجدی بلا

یا رسول اللہ عجل بالجلہ

یا رسول اللہ بحرِ فاطمہ

اپنے اختر کو مدینہ میں گما