Zikr-E-Huzoor-E-Paak Hai Mere Liye Ghiza-E-Rooh

ذکرِ حضورِ پاک ہے میرے لیے غذاۓ روح

قلب کا چین اسی سے ہے کہئے اسے دواۓ روح

ایسا مجھے کرے خدا یادِ حضور میں فنا

ہر رگ و پے میں عشقِ شاہ میرے رہے بجاۓ روح

مدحتِ شاہِ دیں کا نور ہر رگ و پے میں ہے ضرور

قبر میں تھی جو تیرگی پھیل گئی ضیاۓ روح

طیبہ پہ ہے ادھر نظر حوروں کا اشتیاق ادھر

دیکھیے بعدِ انتقال کون سی سمت جاۓ روح

کر لو قبول یا نبی عرضِ جمیلِ قادری

جب کہ جدا ہو جسم سے طیبہ میں گھر بناۓ روح