Zulfe Sarkar Se Jab Chehra Nikalta Hoga

زلفِ سرکارؐ سے جب چہرہ نکلتا ہوگا

پھر بھلا کیسے کوئی چاند کو تکتا ہوگا

اے حلیمہؑ یہ بتا! تو نے تو دیکھا ہوگا

کیسے تجھ سے مرا محبوب لپٹتا ہوگا

جب کبھی آپؐ اندھیرے میں نکلتے ہوں گے

شبِ تاریکی میں خورشید چمکتا ہوگا

مجھ کو معلوم ہے طیبہ سے جدائی کا اثر

کہ شام کو شمس بھی روتا ہوا ڈھلتا ہوگا

قابلِ رشک ہے صدیقؐ وہ آنسو تیرا

غار میں آپؐ کے رخ پہ جو ٹپکتا ہوگا

حاکمؔ اس دل کو ذرا ٹھیس نہ پہنچے گی کبھی

یادِ سرکارؐ میں ہر پل جو دھڑکتا ہوگا

راز چندا کے حسیں ہونے کا اب سمجھا ہوں

کہ خاکِ نعلین کو چہرے پہ وہ ملتا ہوگا